နေစွမ်းအင်သုံး မောင်းသူမဲ့ လေယာဉ်ကို ပထမဦးဆုံးအနေဖြင့် လွန်ခဲ့သော ၃ လခန့်မှ စတင်၍ သုတေသန ပြုလုပ်ခဲ့ခြင်းဖြစ်ပြီး လာမည့် ဒီဇင်ဘာလ အတွင်း သုတေသန လုပ်ငန်း ပြီးစီးမည်ဟု ခန့်မှန်းထားကြောင်း ဒေါက်တာသဲမောင်မောင်က ဆိုသည်။
“ဆိုလာတွေရောက်နေပြီ။ ဒီဇင်ဘာလောက်တော့ ပြီးမယ်လို့ ခန့်မှန်းထားတယ်။ ဒီဇိုင်းပိုင်းတွေနဲ့ အခြားနည်းပညာပိုင်းတွေက ကျွန်တော်တို့ဆီမှာ ရှိပြီးသား ဆိုတော့ ပါဝါလိုင်း အတွက်ပဲ ကျွန်တော်တို့ သုတေသနလုပ်ရတယ်” ဟု ၎င်းက ပြောသည်။
အဆိုပါ နေစွမ်းအင်သုံး မောင်းသူမဲ့လေယာဉ်သည် ကောင်းကင်၌ အချိန်ကြာမြင့်စွာ ပျံသန်းနိုင်မည်ဖြစ်သည့် အတွက် ကမ်းရိုးတန်းဒေသများ အတွက် ကင်းထောက် လေယာဉ် အဖြစ် အသုံးပြုပါက ပိုမိုသင့်လျော်ဖွယ်ရှိပြီး မြေပြင် ဆာဗေးလုပ်ငန်းများ အတွက်လည်း အခြားသော မောင်းသူမဲ့လေယာဉ်များနည်းတူ လုပ်ကိုင်နိုင်မည်ဟု သိရသည်။
လက်ရှိအချိန်၌ မြန်မာနိုင်ငံ လေကြောင်းနှင့်အာကာသပညာတက္ကသိုလ်၊ မောင်းသူမဲ့လေယာဉ် သုတေသနဌာနသည် ပြေးလမ်းသုံး မောင်းသူမဲ့လေယာဉ် ၅ စီး၊ လက်ပစ် မောင်း သူမဲ့လေယာဉ် ၃ စီး ၊ ပန်ကာလေးလုံးတပ် မောင်းသူမဲ့လေယာဉ် ၂ စီးနှင့် ပန်ကာရှစ်လုံးတပ် မောင်းသူမဲ့လေယာဉ် ၂ စီးတို့ဖြင့် ကောင်းကင် ဓာတ်ပုံရိုက် မြေပုံဆာဗေးတိုင်းတာခြင်းများကို လုပ်ကိုင်ပေးနေသည်ဟု သိရသည်။
ရေဘေးသင့် ဒေသတစ်ခုဖြစ်သည့် ကလေးမြို့၌ မောင်းသူမဲ့လေယာဉ်များသည် ပျက်စီးသွားသော ကျေးရွာများ၊ မြစ်ကြောင်းပြောင်းလဲပုံများကို ကောင်းကင် ဓာတ်ပုံ ရိုက်ကူး၍ ဆာဗေးတိုင်းတာခြင်းများ လုပ်ကိုင်နေပြီး မြေနေရာအသစ်များ ဖော်ထုတ်ခြင်းကိုလည်း လုပ်ကိုင်ပေးနေသည်ဟု သိရသည်။
ကလေးမြို့၌ ဆာဗေးပြုလုပ်နေသော မောင်းသူမဲ့လေယာဉ် အမျိုးအစားမှာ အကွာအဝေး ၁၅ မိုင်ခန့် ပျံသန်းနိုင်ပြီး ကြာမြင့်ချိန် ၄၅ မိနစ်ခန့် ပျံသန်းနိုင်ကြောင်း၊ သယ်ဆောင်နိုင်သည့် အလေးချိန်မှာ ၀.၈ ကီလိုဂရမ် ကောင်းကင်ဓာတ်ပုံရိုက် ကင်မရာများဖြစ်ကြောင်း သိရသည်။
မြန်မာနိုင်ငံ လေကြောင်းနှင့် အာကာသပညာတက္ကသိုလ်၊ မောင်းသူမဲ့လေယာဉ် သုတေသနဌာနသည် ၂၀၁၄ ခုနှစ်အတွင်း ၅၀၀ ကေဗွီအေ မဟာဓာတ်အားလိုင်း လမ်းအူကြောင်း ရှာဖွေ တိုင်းတာခြင်း လုပ်ငန်းများကို ကောင်းကင်ဓာတ်ပုံရိုက်၍ ရှာဖွေပေးနိုင်ခဲ့သည်ဟု သိရသည်။
Credit internetjournal
Myanmar Kyat Exchange Rate
0 comments:
Post a Comment