လူ့အခွင့်အရေးကြေညာစာတမ်း

အပိုဒ်(၂၃)
              ၁။လူတိုင်းတွင်အလုပ်လုပ်ရန်လည်းကောင်း မိမိမနှစ်သက်ရာအသက်မွေးမှုအလုပ်အကိုင်ကိုလွတ်လပ်စွာရွေးချယ်ရန်လည်းကောင်း တရားမျှတ၍လုပ်ပျော်သောအလုပ်ခွင်၏အခြေအနေကိုရရှိရန်လည်းကောင်း အလုပ်လက်မဲ့ဖြစ်ရခြင်းမှအကာအကွယ်ရရှိရန်လည်းကောင်းအခွင့်အရေးရှိသည်။
             ၂။လူတိုင်းတွင်ခွဲခြားခြင်းမခံရစေပဲတူညီသောအလုပ်အတွက်တူညီသောအခကြေးငွေရနိုင်ခွင့်ရှိသည်။
၃။အလုပ်အကိုင်သည်လူတိုင်းတွင်မိမိ၏မိသားစုအတွက်လူ့ဂုဏ်သိက္ခာနှင့်ညီအောင်နေထိုင်စားသောက်ရန်စိတ်ချလောက်သည့်အပြင်တရားမျှတ၍လုပ်ပျော်သည့်လစာကြေးငွေရပိုင်ခွင့်ရှိသည်။
၎။လူတိုင်းတွင်မိမိအကျိုးခံစားခွင့်ကိုကာကွယ်ရန်အလုပ်သမားအစည်းအရုံးများဖွဲ့စည်းခွင့် ပါဝင်ဆောင်ရွက်ခွင့်ရှိသည်။
အပိုဒ်(၂၄)
               လူတိုင်တွင်သင့်မြတ်လျှော်ကန်စွာ ကန့်သတ်ထားသည့်အလုပ်လုပ်ချိန်အပြင်လစာနှင့်တကွ အခါအားလျှော်စွာသတ်မှတ်ထားသည့်အလုပ်အားလပ်ရက်များပါဝင်သည့်အနားယူခွင့်နှင့်အားလပ်ခွင့်များခံစားပိုင်ခွင့်ရှိသည်။
အပိုဒ်(၂၅)
            ၁။လူတိုင်းတွင်မိမိနှင့်တကွမိမိမိသားစုကျန်းမာရေးနှင့်တကွကိုယ်စိတ်နှစ်ဖြာအေးချမ်းစွာနေထိုင်နိုင်ရေးအတွက်အစာအဟာရ အဝတ်အထည် နေအိမ် ဆေးဝါးအကူအညီနှင့်လိုအပ်သည့်လူမှုအထောက်အပံ့များပါဝင်သောသင့်တော်လျှောက်ပတ်သောလူမှုအဆင့်အတန်းကိုရယူခံစားခွင့်ရှိသည်။ထိုအပြင်အလုပ်လက်မဲ့ဖြစ်သောအခါ၌သော်လည်းကောင်းမကျန်းမမာဖြစ်သော်အခါ၌သော်လည်းကောင်းကိုယ်အင်္ဂါမစွမ်းမသန်ဖြစ်သောအခါ၌သောလည်းကောင်း မုဆိုးမဖြစ်သောအခါ၌သော်လည်းကောင်း အသက်အရွယ်အိုမင်းသောအခါ၌သော်လည်းကောင်း မိမိကိုယ်တိုင်ကမတတ်နိုင်သောအကြောင်းကြောင့်ဝမ်းစာရှာမှီနိုင်သောနည်းလမ်းမရှိသောအခါ၌သော်လည်းကောင်းနေထိုင်စားသောက်ရေးအတွက်လုံခြုံစိတ်ချရမှုအခွင့်အရေးရှိသည်။
၂။သားသည်မိခင်များနှင့်ကလေးများသည်အထူးစောင့်ရှောက်ခြင်းနှင့်အကူအညီပေးခြင်းကိုရခွင့်ရှိသည်။ဥပဒေအရထိမ်းမြားခြင်းဖြစ်စေအခြားနည်းလမ်းဖြင့်ဖြစ်စေမွေးဖွားလာသောကလေးများသည်တူညီသောလူမှုကာကွယ်စောင့်ရှောက်ရေးကိုရယူခံစားကြရမည်။
အပိုဒ်(၂၆)
               လူတိုင်းသည်ပညာသင်ယူခွင့်ရှိသည်။အနည်းဆုံးမူလတန်းနှင့်အခြေခံအဆင့်အတန်းများတွင်ပညာသင်ကြားရေးသည်အခမဲ့ဖြစ်ရမည်။မူလတန်းပညာသည်မသင်မနေရပညာဖြစ်ရမည်။စက်မှုလက်မှုပညာနှင့်အသက်မွေးမှုပညာများကိုယေဘုယျအားဖြင့်သင်ကြားရယူနိုင်စေရမည်။ထို့အပြင်အထက်တန်းပညာအတွက်အရည်အချင်းကိုအခြေခံပြု၍တူညီသောအခွင့်အရေးရရှိစေရမည်။
၂။ပညာသင်ကြားရေးကိုလူသားတို့၏စရိုက်လက္ခာအပြည့်အဝတိုးတက်မှုအပြင်လူ့အခွင့်အရေးနှင့်အခြေခံလွတ်လပ်ခွင့် ရိုသေလေးစားမှုတို့ကိုရှင်သန်ဖွံ့ဖြိုးလာစေရန်ရည်ရွယ်၍သင်ကြားစေရမည်။ပညာသင်ကြားရေးသည်နိုင်ငံအားလုံးတို့တွင်လည်းကောင်းလူမျိုးစုများတွင်လည်းကောင်း ဘာသာရေးအသင်းအဖွဲ့များတွင်လည်းကောင်း အချင်းချင်းနားလည်မှု သီးခံမှုနှင့်ခင်မင်ရင်းနှီးမှုတို့ကိုအားပေးရမည်။ထိုအပြင်ငြိမ်းချမ်းရေးတည်တံ့အောင်ဆောင်ရွက်ရန်အလိုငှာကုလသမဂ္ဂ၏ဆောင်ရွက်မှုများကိုလည်းဖြစ်မြောက်အောင်အားပေးရမည်။
၃။မိဘတို့တွင်မိမိတို့၏ကလေးများသင်ယူရမည့်ပညာအမျိုးအစားကိုရွေးချယ်နိုင်သောလက်ဦးအခွင့်အရေးရှိသည်။
အပိုဒ်(၂၇)
               ၁။လူတိုင်းတွင်သက်ဆိုင်ရာယဉ်ကျေးမှုလောက၌လွတ်လပ်စွာပါဝင်ဆောင်ရွက်ခွင့်သုခုမပညာရပ်များကိုလွတ်လပ်စွာလိုက်စားမွေ့လျှော်နိုင်ခွင့်သိပ္ပံပညာထွန်းကားရေးလုပ်ငန်းများတွင်လွတ်လပ်စွာဝင်ရောက်လုပ်ကိုင်နိုင်ခွင့်နှင့်ထိုပညာ၏အကျိုးအာနိသင်များကိုလွတ်လပ်စွာခံစားသုံးစွဲနိုင်ခွင့်ရှိသည်။
၂။လူတိုင်းတွင်သိပ္ပံမှဖြစ်စေ စာပေမှဖြစ်စေသုခုမပညာမှဖြစ်စေမိမိကိုယ်ပိုင်ဥာဏ်ဖြင့်ကြံစည်ဖန်တီးမှုဖြစ်ထွန်းလာသည့်ဂုဏ်နှင့်ငွေကြေးအကျိုးအမြတ်ကိုခံစားရယူနိုင်ရန်အခွင့်အရေးအတွက်ကာကွယ်မှုရရှိရန်အခွင့်အရေးရှိသည်။
အပိုဒ်(၂၈)
              လူတိုင်းသည်ဤကြေညာစာတမ်းတွင်ဖော်ပြထားသည့်အခွင့်အရေးများနှင့်လွတ်လပ်ခွင့်များကိုအပြည့်အစုံရယူနိုင်သောလူမှုဆက်ဆံရေးအခြေအနေနှင့်အပြည်ပည်ြဆိုင်ရာဆက်ဆံရေးအခြေအနေတို့၏အကျိုးကျေးဇူးကိုခံသားနိုင်ခွင့်ရှိသည်။
အပိုဒ်(၂၉)
           ၁။မိမိ၏စရိုက်လက္ခဏာလွတ်လပ်စွာဖွံ့ဖြိုးတိုးတက်နိုင်သည့်တစ်ခုတည်းသောလူ့အသိုင်းအဝိုင်းအတွက်လူတိုင်း၏တာဝန်ဖြစ်သည်။
၂။မိမိအခွင့်အရေးများနှင့်လွတ်လပ်ခွင့်များကိုသုံးစွဲရာတွင်လူတိုင်းသည်အခြားသူများ၏အခွင့်အရေးများနှင့်လွတ်လပ်ခွင့်များကိုအသိမှတ်ပြု၍ရိုသေလေးစားရန်အလိုငှာလည်းကောင်းဒီမိုကရေစီကျင့်သုံးသောလူ့အဖွဲ့အစည်းတွင်ကိုယ်ကျင့်တရားအပြင်ရပ်ရွာအေးချမ်းသာယာရေးနှင့်ပြည်သူ့အကျိုးစီးပွားဖြစ်ထွန်းရေးအတွက်တရားမျှတစွာကျင့်ဆောင်ရန်အလိုငှာလည်းကောင်းဥပဒေကပြဌါန်းထားသည့်ချုပ်ချယ်မှုများဖြင့်သာကန့်သတ်ခြင်ခံရမည်
၃။အဆိုပါအခွင့်အရေးများနှင့်လွတ်လပ်ခွင့်များကိုမည်သည့်အမှုကိစ္စတွင်မျှကုလသမဂ္ဂ၏ရည်ရွယ်ချက်များနှင့်လည်းကောင်းအခြေခံမူများဖြင့်လည်းကောင်းဆန့်ကျင်၍မသုံးစွဲရ။
အပိုဒ်(၃၀)
              ဤကြေညာစာတမ်းပါအခွင့်အရေးနှင့်တကွ လွတ်လပ်ခွင့်များပျက်စီးရာပျက်စီးကြောင်းများကိုရည်ရွယ်၍နိုင်ငံတစ်နိုင်ငံအတွက်ဖြစ်စေ လူတစ်စုအတွက်ဖြစ်စေလူတစ်ဦးတစ်ယောက်အတွက်ဖြစ်စေပါဝင်ဆောင်ရွက်ရန်အခွင့်အရေးရှိသည်ဟုလည်းကောင်းကိုယ်တိုင်ဆောင်ရွက်ရန်အခွင့်အရှေိသည်ဟုလည်းကောင်းအဓိပ္ပါယ်ပိုင်းခြားကောက်ယူခြင်းမရှိစေရ။